grenell-e-quan-madheshtore-vendosjen-e-raporteve-diplomatike-kosove–izrael

Grenell e quan madhështore vendosjen e raporteve diplomatike Kosovë–Izrael

Grenell ka komentuar vendosjen e raporteve diplomatike Kosovë–Izrael.

Emisari i Posaçëm i presidentit Donald Trump për dialogun Kosovë – Serbi, Richard Grenell, ka komentuar lidhur me vendosjen e raporteve diplomatike në mes të Kosovës dhe Izraelit.

Grenell përmes një retëeet’i në llogarinë e tij në tëitter ka thënë se kjo është madhështore.

Grenell ia bëri retëeet postimit të ministres së Punëve të Jashtme, Meliza Haradinaj Stublla, ku kjo e fundit mbajti takimin e parë konsultativ me Ministrinë e Punëve të Jashtme të Izraelit.

“Kisha nderin të hap takimin e parë zyrtar konsultativ ndërmjet Drejtorive të Përgjithshme të Ministrisë së Punëve të Jashtme dhe të Diasporës së Republikës së Kosovës dhe Ministrisë së Punëve të Jashtme të Shtetit të Izraelit, në të cilin u diskutua për detajet e vendosjes së Marrëdhënieve Diplomatike ndërmjet Kosovës dhe Izraelit, gadishmërinë për ndërtimin e marrëdhënieve të plota në të gjitha fushat, si dhe për hapjen e Ambasadës së Kosovës në Jerusalem”, thuhet në postimin e ministres.

Ndërkaq, tutje thuhet se u diskutua edhe lidhur me “vizitën e parë zyrtare në Shtetin e Izraelit të delegacionit të Republikës së Kosovës në muajin e ardhshëm”.

Marrëveshja ekonomike ndërmjet Kosovës dhe Serbisë, e finalizuar në Uashington, ka rezultuar në njohje diplomatike të Kosovës dhe Izraelit.