keto-jane-qytetet-me-me-se-shumti-raste-te-reja-me-koronavirus

Këto janë qytetet me më së shumti raste të reja me koronavirus

Ditëve të fundit është rritur numri i të infektuarve me koronavirus në Kosovë.

Numri i të infektuarve nga koronavirusi po vazhdon të rritet ditëve të fundit, ndërsa komunat më të prekura nga ky virus janë Prishtina, Gjilani dhe Ferizaj.

Prishtina aktualisht ka 1 mijë e 452 raste aktive, Gjilani ka 217 raste aktive, ndërsa Ferizaji ka 99 raste aktive.

Ministri i Shëndetësisë, Armend Zemaj ka njoftuar se do të merren masa për parandalimin e përhapjes së COVID-19.

Nesër do të mblidhet Komiteti për vlerësimin e situatës me pandeminë, ku do të shqyrtohen propozimet për masat e reja që do të merren ndaj COVID-19 në Kosovë.

Në anën tjetër, sot Kosova ka shënuar rekord sa i përket rasteve të reja me gjithsej 814 nga 1600 testime.