kuvendi-i-kosoves-neser-mbane-seance,-ja-cilat-jane-pikat-e-rendit-te-dites

Kuvendi i Kosovës nesër mbanë seancë, ja cilat janë pikat e rendit të ditës

Nesër mbahet seancë në Kuvend, këto janë pikat e rendit të ditës.

Në orën 10:00 do të vazhdojë seanca plenare në Kuvendin e Kosovës.

Në rendin e ditës janë paraparë gjashtë pikat më poshtë:

6. Shqyrtimi i parë i Projektligjit nr. 07/L-021 për të Drejtat Pronësore të shtetaseve të huaj në Republikën e Kosovës,

7. Shqyrtimi i Programit Kombëtar për Zbatimin e Marrëveshjes së Stabilizim-Asociimit (PKZMSA) 2020-2024,

8. Debat parlamentar lidhur me problemet e banorëve shqiptarë në veri të Mitrovicës dhe komunave të tjera në pjesën veriore të Kosovës lidhur me pengesat që u bëhen për tu kthyer në pronat e tyre dhe pengesat për renovimin e shtëpive të djegura gjatë luftës,

9. Kërkesa e Komisionit Hetimor Parlamentar lidhur me procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës për miratimin e buxhetit të këtij Komisioni Hetimor,

10. Shqyrtimi i Raportit vjetor të Auditimit për vitin 2019,

11. Debat parlamentar në lidhje me vazhdimin e Qeverisë së Serbisë që të mbaj të fshehur të vërtetën për fatin e mbi 1600 civilëve shqiptarë, të rrëmbyer nga ky shtet gjatë luftës gjenocidare në Kosovë, që ende konsiderohen të zhdukur,

12. Debat parlamentar në lidhje me sensibilizimin dhe masat që duhet të ndërmerren nga Qeveria dhe institucionet përgjegjëse në luftën kundër kancerit të gjirit.

Kuvendi njofton se do të ofrojë linkun e transmetimit të drejtpërdrejtë të kësaj seance, nëpërmjet:

Ueb faqes së Kuvendit,
Kanalit zyrtar të Kuvendit në youtube, si dhe
RTK-së, si medium publik.