veliu-thote-se-qeveria-eshte-e-pergatitur-per-ndonje-incident-te-mundshem-pas-arrestimeve-te-speciales

Veliu thotë se Qeveria është e përgatitur për ndonjë incident të mundshëm pas arrestimeve të Speciales

Është mbajtur mbledhja e Qeverisë së Kosovës ku është diskutuar rreth arrestimeve të fundit nga Gjykata Speciale.

Ministri i Punëve të Brendshme, Agim Veliu ka folur në mbledhjen e sotme të Qeverisë për aktakuzat e Speciales.

Ai tha se gatishmëria e të akuzuarve për bashkëpunim me Hagën vërteton pjekurinë politike dhe idealin që ka pasur lufta jonë.

“Gatishmëria për bashkëpunim me prokurorinë speciale e të akuzuarve vërteton pjekurinë politike dhe idealin që ka pasur lufta jonë”, ka thënë ajo.

Veliu thotë se kanë edhe një plan për të parandaluar ndonjë incident të mundshëm pas këtyre zhvillimeve.

“Policia ka inkorporuar në planin e saj, përfshinë masat që kanë mbrojtjen e zonave në popullsi të përzier në rast të ndonjë incidenti të mundshëm por edhe plani që përmban të gjitha skenarët e mundshëm. Policia ka vendosur që të gjitha mjetet për t’u përgjigjur në një situatë të mundshme, është rritur niveli i gatishmërisë.

Nuk kemi asnjë dyshim që lufta ka qenë luftë që ka mbrojtur vlerat më sublime”, tha ai.