vdes-nga-koronavirusi-infermierja-kosovare

Vdes nga koronavirusi infermierja kosovare

Ndërron jetë nga koronavirusi infermierja Hysnije Haliti në Ferizaj.

Ka ndërruar jetë infermierja e pensionuar Hysnije Haliti në komunën e Ferizajt.

Qendra Kryesore e Mjekësisë Familjare në Ferizaj ka njoftuar se e ndjera ka qenë e sëmurë me Covid-19. Ajo do të kujtohet si një nga infermieret e para në këtë komunë, shkruan Gazeta Shneta.

“Me dhembje të thellë morim lajmin për vdekjen e infermieres në pension znj. Hysnjie Haliti nga virusi COVID-19. Zonja Hysnjie, 71 vjeçare, ishte njëra nga infermieret e para shqiptare në trevën e Ferizajt dhe ka dhënë kontribut të rëndësishëm në avancimin e shëndetësisë Ferizajase”.

“Personeli i QKMF-Ferizaj do ta kujtojë përherë shembëlltyrën e saj fisnike dhe virtytet e larta njerëzore. I lehtë të qoftë dheu i Kosovës! Pusho në paqen e paskajshme kolege e nderuar!”, thuhet në njoftim.