e-konfirmon-ministri-zemaj:-masat-e-reja-kane-shkuar-per-votim-ne-qeveri

E konfirmon ministri Zemaj: Masat e reja kanë shkuar për votim në Qeveri

Ministri i Shëndetësisë, Armend Zemaj, ka konfirmuar masat e reja që do të merren nga Qeveria e Kosovës për parandalimin e përhapjes së virusit Covid-19.

Sipas Zemajt, nesër ekzekutivi i vendit do të vendosë për masat e propozuara.

“Mbledhja e sotme e Komiteti për menaxhimin e Pandemisë, ishte e karakterit informues dhe efektin e vendimit të Qeverise për masat e marra nga Ministria e Shëndetësisë.

Situata është e njëjtë si në shtetet e rajonit, por sistemi ynë shëndetësor është i ndryshëm, kapacitetet tona spitalore nuk janë në situatën më të mirë, andaj përtej statistikave me të infektuar, kemi shtim të rasteve të hospitalizimit”, ka thënë Zemaj në rrjetin social Facebook.

Tutje Zemaj ka thënë se për të mos pasur situatë të jashtëzakonshme me të infektuar edhe me të hospitalizuar, kërkohet zbatim strikt i masave dhe veprime urgjente dhe masa më të ashpra.

“Në tërë këtë situatë, shkollat fillore dhe të mesme do të jenë të hapura por me mbikëqyrje si deri më tani, ndërsa universitetet vazhdojnë me ligjërata online. Masat janë adresuar për miratim në Qeveri dhe Kabineti qeveritar pritet të votoi për to. Bashkë ia dalim”, ka thënë ai.