yllka-kuqi-publikon-imazhin-domethenes-ne-pervjetorin-e-20-te-me-bashkeshortin

Yllka Kuqi publikon imazhin domethënës në përvjetorin e 20-të me bashkëshortin

Yllka Kuqi dhe bashkëshorti i saj festojnë përvjetorin e 20-të, këngëtarja publikon imazhin shumë domethënës.

Yllka Kuqi ndau imazhin e veçantë, sot në përvjetorin e 20-të me bashkëshortin.

Këngëtarja e njohur shqiptare, Yllka Kuqi dhe bashkëshorti i saj Astriti sot festojnë një ditë të veçantë, shkruan lajmi.net.

Ata sot e kanë përvjetorin e 20-të dhe kjo datë nuk do të mund të ishte aq e veçantë sa edhe ta kenë foshnjën e tyre në duar.

Kështu u shpreh edhe Yllka nëpërmjet një postimi të fundit.

“Prej 28.10.2000. 20 vjetori nuk ka mujt me u dok ma i mirë së bashku, dashni”, ka shkruar Yllka pranë postimit të fotografisë në llogarinë e saj në Instagram.

calhanoglu-refuzon-gjigandet-e-medhenj-per-milanin

Calhanoglu refuzon gjigandët e mëdhenj për Milanin

Superkontrata nga Manchester dhe sirenat spanjolle, por Calhanoglu do vetëm Milanin!

Në shtëpinë kuqezi, kryefjala e ditës nuk është vetëm rinovimi i Gigio Donnarumma, por edhe ai i Hakan Calhanoglu, një tjetër shtyllë kurrizore e Milanit të targuar “Pioli” dhe që po bën mjaft mirë.

Kontrata e fantazistit turk skadon më 30 qershor 2021. Në janar, turku mund të pajtohet pa probleme me një ekip tjetër, por vullneti i tij do të ishte të vazhdonte të luante për klubin që e bleu atë në 2017 nga Bayer Leverkusen, ku ishte i skualifikuar dhe kishte humbur në formën e tij.

TAKIMI i RI – La Gazzetta dello Sport shpjegon, megjithatë, se për momentin palët janë ende mjaft larg njëra-tjetrës: javët e fundit, klubi kuqezi në fakt i ka ofruar Calhanoglu një rinovim prej 3 milion euro plus bonuse në sezoni (aktualisht fiton 2.5 milion), por ky propozim nuk duket se i pëlqen lojtarit turk.

Deri në nëntor, palët do të takohen përsëri, me shpresën se shtrëngimi i duarve do të jetë vendimtar për zgjatjen e kontratës së numri “10” kuqezi.

PRIORITETI MILAN – Performanca e shkëlqyeshme e Hakan në muajt e fundit dhe kontrata e tij që skadon kanë tërhequr padyshim vëmendjen e disa klubeve, përfshirë Manchester United i cili është i gatshëm t’i ofrojë atij një pagë të pasur për pesë vitet e ardhshme.

Calhanoglu gjithashtu ka admirues në Spanjë, por tani për tani ai nuk dëshiron të dëgjojë askënd, sepse përparësia e tij është rinovimi me Milanin.

biznesi-i-kosoves-lider-ne-portin-e-durresit

Biznesi i Kosovës lider në Portin e Durrësit

Një delegacion i Aleancës Kosovare të Bizneseve, i kryesuar nga kryetari Agim Shahini ka vizituar Portin industrial të Durrësit, i njohur me emrin PortoRomano ku u prit nga përfaqësuesi i Korporatës Shell Kosova Lulëzim Kryeziu në Deponitë e kësaj Korporate në këtë Port.

Kryetari Shahini, tha se është tepër i kënaqur që është prezent në arritjen e anijes JENNY I VALLETA me të madhe në këtë Port, e gjatë 174 metra dhe e gjerë 38 metra me një sasi 36 milion litra të derivateve të naftës dhe ky sukses i atribuohet Shell Kosova.

“Ne mburremi më këtë korporatë kosovare si model i investimeve dhe deponive në këtë hapësirë që jep një siguri për qytetarët dhe konsumatorët e Kosovës dhe më gjerë se do të kemi sasi dhe kualitet të mjaftueshëm të derivateve të naftës pavarësisht situatave të krijuara edhe nga krizat e ndryshme por edhe nga Pandemia Covid 19”, tha Shahini.

Kreu i AKB-së shtoi se tradita shumëvjeçare e kësaj korporate është model në Ballkan dhe ky është sukses i të ndjerit biznesmenit të njohur global Latif Kryeziut, i cili ka trasuar një rrugë të mbarë për ju dhe mbarë Kosovën në këtë sektorë.

Lulëzim Kryeziu nga Shell Kosova, tha se vizita e AKB-së na inkurajon neve që të investojmë edhe më tutje ne tregjet mbarë shqiptare, për të ju ofruar gjithmonë sasi dhe kualitet të sigurt për të gjithë klientët tonë të cilët i falënderoj që kanë besimin në Shell Kosova.

“Investimet dhe punësimet në kompaninë tonë do të vazhdojnë edhe më tutje dhe për këtë dua ti falënderoj familjen, babin tim të ndjerë Latif Kryeziun i cili ishte motiv i familjes, stafit dhe i partnerëve në Kosovë dhe anekënd botës dhe ne jemi duke vazhduar rrugën e tij, duke i angazhuar e gjithë familjen, por edhe punëtorët të cilët po japin maximumin që Korporata jonë të arrij suksese të reja në fushën e derivateve dhe ndërtimit, hotelerisë dhe restoranteve në gjithë vendin”, tha Kryeziu.

thaci-nuk-i-coi-ftese-vv-se-ne-takimet-me-lideret-e-partive-per-zgjedhjet-ne-podujeve

Thaçi nuk i çoi ftesë VV-së në takimet me liderët e partive për zgjedhjet në Podujevë

Thaçi takoi liderët e partive për zgjedhjet në Podujevë, por VV-së as ftesë nuk i çoi.

Presidenti Hashim Thaçi sot ka njoftuar se është takuar me disa nga liderët e partive politike që për temë kishin zgjedhjet në Podujevë dhe zhvillimet e përgjithshme politike në vend.

Megjithëse në njoftimin e Presidencës thuhet se “presidenti i ka takuar sot liderët e partive politike”, Vetëvendosjes nuk iu ka shkuar as ftesa për takim.

Zëdhënësi i kësaj partie, Përparim Kryeziu, tha për klankosova.tv se kryetari Albin Kurti nuk është takuar me Thaçin as virtualisht.

“Nuk ka pasur as takim virtual me z. Kurti, as takim me ndonjë përfaqësues të LV-së, sikurse nuk ka pasur as ndonjë ftesë”.

Kurti sot ka njoftuar se ka dalë pozitiv në koronavirus.

ipk-suspendon-shtate-police-ne-gjakove

IPK suspendon shtatë policë në Gjakovë

Inspektorati Policor i Kosovës ka njoftuar se ka suspenduar shtatë zyrtarë policorë të Gjakovës.

Në njoftimin e IPK-së bëhet e ditur se hetimet kanë filluar në muajin shtator.

Rasti ka të bëjë me përdorimin e armës së zjarrit nga një zyrtar policor ndaj një motoçiklisti bë lëvizje.

Në këtë rast është konstatuar se janë tejkaluar autorizimet e zyrtarit policor për përdorimin e armës zyrtare.

“Hetimi fillimisht kishte filluar me dyshimin për kryerjen e veprës penale “shkaktim i rrezikut të përgjithshëm” lidhur me një incident që kishte ndodhur më 13 shtator 2020. IPK ka qenë duke e hetuar në këtë rast rrethanat e përdorimit të armës së zjarrit nga një zyrtar policor me dyshimin se me rastin e gjuajtjes me armë zjarri ndaj një motoçiklisti në lëvizje (person i dyshuar) janë tejkaluar autorizimet e tij për përdorimin e armës zyrtare”, thuhet në njoftim.

IPK njofton se hetuesit kanë zbuluar prova shtesë me dyshimin për keqpërdorim të detyrës zyrtare edhe nga disa zyrtarë policorë.

“Sidoqoftë, gjatë hetimit të këtij rasti, hetuesit e IPK-së kanë zbuluar prova shtesë me dyshimin për keqpërdorim të detyrës apo autorizimeve zyrtare edhe nga disa zyrtarë policorë(fshehje e dëshmive dhe informacioneve lidhur me rastin e shkaktimit të rrezikut të përgjithshëm)”, thotë IPK.

“Duke ju referuar autorizimeve ligjore të IPK-së, në interes të procedurës hetimore, IPK ka rekomanduar sot Policisë së Kosovës suspendimin e shtatë punonjësve të Policisë së Kosovës si të dyshuar në këtë rast ( një major – U.D komandanti i stacionit policor të Gjakovës, një toger policor, katër zyrtarë policorë dhe një pjesëtar i stafit civil të PK-së). Hetuesit në koordinim me prokurorinë kompetente do të ndërmarrin edhe veprime të tjera hetimore drejt ndriçimit të plotë të rrethanave të këtij rasti”, bëhet e ditur në njoftim.

ministrja-bajrami-nuk-pranon-te-flase-per-kontraten-e-dyshimte-te-mi-se,-thote-se-per-ato-pergjigjet-abrashi

Ministrja Bajrami nuk pranon të flasë për kontratën e dyshimtë të MI-së, thotë se për ato përgjigjet Abrashi

Bajrami nuk pranon të flasë për kontratën e dyshimtë të MI-së, thotë se për ato përgjigjet Abrashi.

Deputeti i Partisë Demokratike të Kosovës, Kujtim Gashi, gjatë mbledhjes së Komisionit ku u paraqit në raportim për skandalin e zhdukjes së 2 milionë eurove e ka pyetur ministren dhe i ka kërkuar të flaës për kontratën e dyshimtë të rrugës Prizren-Prevallë e cila është është nënshkruar nga zëvendësministri i Infrastrukturës pikërisht në kohën kur ministri Arban Abrashi ndodhej në SHBA e pikërisht nga kjo kontratë janë marrë paratë e vjedhura nga zyrtari i Thesarit.

Por ministrja Hykmete Bajrami refuzoi të flaës për këtë çështje duke i thënë se kjo është përgjegjësi e ministrit të Infrastrukturës dhe ai duhet të japë shpjegime.

“Paratë që janë vjedhur janë marrë nga dy projekte infrastrukturore. Është vjedhur buxhet I rrugës Zhur-Dragash dhe Prizren-Prevallë. A keni informata a janë të sakta se janë marrë paratë e këtyre dy projekteve dhe si do të kompensohen këto. Dhe a keni informata se projekti I rrugës Prizren-Prevallë, kontrata është nënshkruar nga Zyra e Prokurimit me 23 qrrshor dhe nga ajo kohë kontrata ka qëndruar në sirtarë dhe pikërisht kur kabineti qeveritar ndodhej në SHBA më 2 shtator kontrata u nënshkrua jo nga ministri por nga zëvendësministri. A kni informata për këtë dhe a mund të na jepni ndonjë spjegim”, ka pyetur Gashi ministren e Financave Hykmete Bjaramin.

Por ministrja Bajrami edhe në këtë rast, ka thënë se duhet të përgjigjet ministri i Infrastrukturës Arban Abrashi.
“Këto janë jashtë kompetencës time. Se pse nuk e ka nënshkruar ministri atë kontratë por e ka nënshkruar zëvendësi i tij, kjo është çështje komplet e tij”, tha Bajrami.

Akuza për zhdukjen e 2 milionë eurove nga Ministria e Finanaceve ka pasur edhe deputetja e Vetëvendosjes Mimoza Kusari-Lila e cila tha se nga shpjegimet e ministres del se buxheti nuk ka siguri dhe nuk po shihen masa adekuate për të parandaluar raste të tjera të vjedhjeve.

si-nuse-duket-gili-me-kete-rregullim-qe-ka-bere

Si nuse duket Gili me këtë rregullim që ka bërë

Gili si nuse me këtë rregullim që ka bërë.

Gili është një këngëtare që njihet për zërin e veçantë që ka.

Si në karrierë, ashtu edhe në jetën private ajo dallohet për paraqitjet që bën, shkruan Kosovarja.

Duke i kushtuar gjithmonë rëndësi vetës, këngëtarja nuk ua lëshon rrugën edhe vajzave të reja.

Së fundmi, në një video që ka postuar ajo duket e veçantë me rregullimin që ka bërë.

juventus-publikon-listen-e-lojtareve-te-ftuar-per-ndeshjen-me-barcelonen,-ronaldo-mungon-zyrtarisht.

Juventus publikon listën e lojtarëve të ftuar për ndeshjen me Barcelonën, Ronaldo mungon zyrtarisht.

Pirlo publikon listën e lojtarëve të ftuar për ndeshjen me Barcelonën, Ronaldo mungon zyrtarisht.

Trajneri i Juventusit, Andrea Pirlo ka publikuar listën me 21 futbollistë të ftuar për përballjen ndaj Barcelonës në kuadër të grupeve në Ligën e Kampionëve.

Leonardo Bonucci mund të fillojë ndeshjen e kësaj mbrëmje kundër Barcelonës pasi mbrojtësi italian është përfshirë në listën e Zonjës së Vjetër për t’u përballur me Blaugranat.

Bonucci kishte marrë një dëmtim të vogël muskulor të dielën kundër Hellas Verona dhe u stërvit dje përveç pjesës tjetër të ekipit.

Megjithatë, përfaqësuesi italian, duket se është rikuperuar nga dëmtimi i tij pasi ai është përfshirë në listën e skuadrës së Pirlo për t’u përballur me Barcelonën.

Mungesa e madhe e Bianconerëve është ajo e yllit portugez, Cristiano Ronaldo, i cili ende rezultat pozitiv me COVID-19, ndërsa tash e një kohë mungon edhe Giorgio Chiellini shkaku i lëndimit.

Lista e skuadrës së Juventusit:

Portierë: Szczesny, Buffon, Pinsoglio

Mbrojtësit: Danilo, Cuadrado, Bonucci, Demiral, De Winter, Frabotta, Riccio

Mesfushorët: Arthur, Ramsey, McKennie, Chiesa, Rabiot, Bentancur, Bernardeschi, Portanova, Kulusevski

Sulmuesit: Morata, Dybala

formacionet-e-mundshme-juventus-barcelona

Formacionet e mundshme Juventus- Barcelona

Juventus – Barcelona, formacionet e mundshme.

Sot do të zhvillohet një nga ndeshjet më interesante të fazës së grupeve në Ligën e Kampionëve, mes Juventusit dhe Barcelonës.

Megjithëse mungesa e Cristiano Ronaldos, i cili vazhdon të jetë pozitiv me koronavirus, i zbeh disi pritshmëritë, në ”Allianz Stadium” pritet të zhvillohet një sfidë tejet interesante.

Andrea Pirlo përveç Ronaldos, nuk llogarit as në shërbimet e Giorgio Chiellinit, ndërsa Leonard Bonucci pritet të startojë nga fillimi, transmeton lajmi net.

Ronald Koeman në anën tjetër do ta zëvendësojë Gerard Piquen e suspenduar me Araujon, mbrojtësi i ri që ka treguar paraqitje solide këtë edicion.

Më poshtë formacionet e mundshme të të dyja skuadrave.

Juventus (3-4-1-2): Szczesny; Danilo, Bonucci, Demiral; Cuadrado, Bentancur, Rabiot, Kulusevski; Ramsey; Dybala, Morata.

Barcelona (4-2-3-1): Neto; Sergi Roberto, Araujo, Lenglet, Jordi Alba; Pjanic, De Jong; Dembele, Griezmann, Ansu Fati; Messi.

pas-bllokimit-te-llogarive,-hoti-takohet-me-bordin-dhe-menaxhmentin-e-trepces-dhe-sindikaten-e-telekomit

Pas bllokimit të llogarive, Hoti takohet me Bordin dhe Menaxhmentin e Trepçës dhe Sindikatën e Telekomit

Bllokimi i llogarive, Hoti takohet me Bordin dhe Menaxhmentin e Trepçës dhe Sindikatën e Telekomit.

Kryeministri i Kosovës, Avdullah Hoti dhe Ministri i Ekonomisë dhe Ambientit, Blerim Kuçi, janë takuar sot me Bordin dhe Menaxhmentin e Trepçës, si dhe sindikatën e Telekomit të Kosovës, pas bllkokimit të llogarive shkaku i borxheve, raporton Express.

Bazuar në njoftimin e Zyrës së Kryeministrit, për këtë çështje nuk është ofruar ndonjë zgjidhje, ani pse nëse xhirollogaritë nuk zhbllkokohen brenda dy ditësh, rreth pesë mijë punëtorë të këtyre ndërmarrjeve mund të mbesin pa paga.

“Trepça ka trashëguar kontrata të pafavorshme të cilat po i shkaktojnë dëme financiare. Prandaj, Ministria e Ekonomisë dhe Ambientit do të bashkëpunojë me Bordin dhe Menaxhmentin e Trepçës, në përgatitjen e planit të biznesit për tejkalim të situatës. Kryeministri Hoti, bashkë me Ministrin Kuçi, sot ka takuar edhe Sindikatën e Telekomit të Kosovës, të cilës po ashtu u janë bllokuar llogaritë, edhe pse në tre muajt e fundit Telekomi i Kosovës ka performuar pozitivisht”, thuhet në njoftimin e ZKM’së.

Ndryshe, punëtorët e këtyre ndërmarrjeve kanë paralajmëruar edhe protesta në rast se nuk gjendet zgjidhje për këtë çështje.